𝐑𝐚𝐦𝐚𝐭𝐨𝐚 𝐇𝐄𝐑𝐈𝐒𝐎𝐀 𝐑𝐀𝐊𝐎𝐓𝐎𝐌𝐀𝐕𝐎 𝐌𝐚𝐫𝐠𝐮𝐞𝐫𝐢𝐭𝐭𝐞 | 𝐀𝐯𝐨𝐚𝐡𝐲 𝐢 𝐓𝐬𝐢𝐭𝐨 𝐟𝐚 𝐭𝐬𝐲 𝐦𝐢𝐬𝐲 𝐢𝐝𝐢𝐫𝐚𝐧’𝐧𝐲 𝐧𝐲 𝐧𝐚𝐡𝐚𝐟𝐚𝐭𝐲 𝐧𝐲 𝐙𝐨𝐤𝐢𝐧𝐲

Nampiantso mpanao gazety ny fianakavian’ny Rasazy Narindra, Ben’ny tanànan’i Mangatabohangy teo aloha,nisy namono.

Nitondra fanazavana mahakasika ny fitazonana amponja ny Zanany Ramatoa HERISOA RAKOTOMAVO Margueritte io tolak’andro tetsy Andoharanofotsy

Nambaran’ity fianakaviana ity fa tsy meloka velively ny zanany, RATIANARIVONY Aina Tsitohaina na i Tsito. ary tsy niray tsikombakomba tamin’ny famonoana an’i Zokiny iray tampo aminy.

Nohamafin’ity renim-pianakaviana ity fa telo mianadahy ireo zanany ireo ary iray tampo avokoa izy ireo, mifanampy sy mifanohana hatrany ireo zanany ireo amin’izay rehetra hatao. Entina hanamporofoana izany hoy hatrany izy dia raha nikasa hilatsaka Ben’ny tanàna i Rasazy Narindra, dia nataony lisitra voalohany ho mpanolontsaina azy i Tsito,

Nambaran’ity fianakavina ity hatrany, fa tsy marina velively ny feo miely fa maty voatifitra ny Rain’ireto zaza iireto fa kosa aretina no nahatonga ny fahafatesan’io raim-pianakaviana io.

Ankoatr’izay dia tsy misy mihitsy koa ny hoe fikasana haka ny toeran’ny rasazy Narindra ilay anadahiny.

Noho ireo antony ireo, dia tena misitery ary fahagagana hoan’ny fianaviana ny famonjana ny anadahin’ity Ben’ny tanana nisy namono ity izay navantana avy hatrany eny Fonjaben’ny Tsiafahy.

Eo anatrehan’ izany voina tsy roa aman-tany mianjady amin’ity fianakaviana ity izany dia manao antso amin’ny filoha Rajoelina sy ny ramatoa Mialy Rajoelina ity renim-pianakaviana ity mba hanaraka akaiky izao fizotry ny raharaha izao.

Ary nohizingizinin’izy ireo no tsy maha tompon’antoka ny Zanany amin’izao raharaha izao, ka hangatahan’izy ireo ny fangatahan’izy ireo ny fahafahan’ny Tsito tsy misy hatak’andro.

Nanao tsipin-teny hoan’ny mpikirakira ny tambazotra « facebook » ihany koany fianakavina mba hamoaka ny vaovao tena mari-pototra.

Fanirian’ireto fianakaviana ireto hatrany moa ny hisian’ny Fampandroana ny Kaominina Mangatamboahangy.