Nohon’ny rotsak’orana be loatra miseho eto Antananarivo, dia trano iray no nianjera tamin’ny ampahany teto amin’ny Fokontany Tsiadana, araka ny fanavana nomnen’Andriamatoa RAMAROSON Jean Dieu-Donne. Ny zava-hebibe hoy hatrany izy dia ny tsy fisiana aina nafoy nandritra ity loza ity.
Tokan-trano 4 no mipetraka ato amin’ity trano raba tamin’ny ampahany ity, ary efa nanomboka tamin’ny 2 ora alina tany ho any no efa nanomboka fantatra fa hisy faharavana izany, araka ny fanazavana nentin’Andriamatoa Paul izay anisan’ireo olona nipetraka tato amin’ity trano, vantany vao nitranga kosa ny loza, dia nifanome tanana ny rehetra namindra ny entana hankany amin’ny toerana azo antoka.
Manoloana indrindra ny voina manjo, dia mangataka tolon-tanana avy amintsika malalan-tana ireto niharan-doza ireto.
Mila mitandrina hatrany ary hanaraka ny ny toromoriky ny « Chef Secteur » isika hoy ny Filoham-pokontany namarana ny teniny, ary nentanin’ny vahoaka hanaraka akaiky ny fivoaran’ny toetr’andro sy hijery ny manodidina ny trano ipetrahana’ny tsirairay
Nangonin’ Lay Mahitsy
