Tsy kandida i Tojo RAVALOMANANA raha tsy nisy ordonnance hoy ny teo anivon’ny CENI androany manoloana ny resabe sy fanakihanana manodidina ny resaka ordonnance ka nilazana fa tsy nakana ny hevitr’ireo mpisehatra amin’ny fifidianana.
Ny filoha teo aloha Marc RAVALOMANANA sy solombavambahoaka sasantsasany mihintsy aza no anisany tonga teny amin’ny Ceni nametraka taratasy fa tokony ekena ny hampidirana ireo olona tokony hifidy amin’ny alalan’ny ordonnance handray anjara amin’ny fifidianana hoy hatrany teo anivon’ny CENI.
Ny Ceni ihany no manana ny lisitr’ ireo olona nahazo ordonnance fa tsisy antoko politika manana izany ka antony tsy naneken’izy ireo hanao fampitahana sady tsy voalazan’ny lalàna ny tokony hanaovana izany.
Mbola nanamafy ihany koa ny teo anivon’ny CENI androany fa tsy nitory an’i Jean Luce fa plainte contre x no nataon’izy ireo noho ny piratage nahazo ny site.
Nanaovan’izy ireo plainte contre x ihany koa ireo fanaratsiana sy fanasoketana ary fandrahonana olona ao amin’ny CENI ary tsy hisintona ny fitoriany mihintsy izy ireo.
Akoatr’izay, miantso fitoniana eo am-piandrasana ny voka-pifidianana ofisialy ity vaomiera mahaleotena misahana ny fifidianana ity ary miantso ny hanatsaharana ny fanaratsiana be fahatany sy fanaovana ramatahora ihany koa .
Nangonin’i M.Elvina
