FORT-DAUPHIN | FAHAVITAN’ NY LALANA -FOKONTANY BAZAR BE- KOMININA AMBONIVOHITRY FARADOFAY

Vita tanteraka ary azo ampiasain’ny rehetra ny làlana ao amin’ny Fokontany Bazar be mizotra mankany Libanona izay tapaka nandritra ny 1 taona.

Izao no tanteraka dia nohon’ny fitarainan’ireo mpampiasa làlana tamin’Andriamatoa Honorable Député Chabani NOURDINE amin’ny maha solombavambahoaka azy tamin-dRamatoa Governoran’ny Faritra Anôsy Voahary RAKOTOVELOMANANTSOA, izay solotenam-panjakana amin’ny maha rafitra mpanatanteraka aty ifotony.

Araka ny nambaran-dRamatoa Governora ihany koa dia miroso amin’ny dingana fanadihadiana ara-teknika ny ho fanarenana ny làlana eo akaikin’ny BOA fiarahamiombon’antoky ny Faritra Anôsy sy ny orin’asa QMM Rio Tinto.

Mitondra fanentanana momba ny fikojakojana ireo fotodrafitr’asa rehetra eny anivon’ireo kominina sy ny Distrika rehetra ihany koa ireto manampahefana ireto mba ho lovain’ireo taranaka fara aman-dimby.

ARRONE KENNEDY.