Nidina ifotony nijery sy nanara-maso ny fandehan’ny asa ny Governoran’ny faritra Alaotra-Mangoro ny Dr Guy RAMAROSANDRATANA notronin’ireo Solombavambahoaka voafidy tao Anosibe An’Ala Atoa FANO sy ny Komity Mpitantana ny fanamboarana ary ireo Teknisianina maro.
Hita fa mandeha tsara ny asa ary efa vita hatrany amin’ny PK20, izay fanamby napetraky ny Governora sy ireo Zanampielezana tany amboalohany (PK 5 à PK 20).
Noho ny fandraisan’ny andaniny sy ankilany ny andraikitra tandrify azy araka ny tokony ho izy anefa, dia nanapa-kevitra ny roa tonta fa hotohizana hatrany amin’ny PK 35 ny fanamboarana; izany hoe mitotaly 30 km ny lalana amboarina.
Rehefa nitafa tamin’ireo fokonolona ny delegasiona dia nisaotra azy ireo ny Governora tamin’ny fandraisan’izy ireo anjara tamin’ny alalan’ny tanamaro ary tsy maintsy tandrovina ny lalana vita indrindra rehefa avy ny orana amin’ny alalan’ny Barrage de Pluie.
Nampatsiahivan’ireo nandray fitenenana fa matoa izao no vita dia noho ny fanomezan’Atoa FILOHA Andry RAJOELINA ireo Engins tantanin’ny faritra itsinjovana manokana ireo vahoaka indrindra amin’ny famoahana ny vokatra.
Faly ireo vahoaka sy ny mpampiasa lalana ka nisaotra manokana ny Fitondram-panjakana tarihan’Andriamatoa Filoha Andry RAJOELINA.
Aseho antsika etsy ambany oreo SARY FAMPATSIAHIVANA ny haratsin’io lalana PK 5 à PK 20 io teo aloha:
Governora Alaotra Mangoro
Nangonin’i Lova Janà
