☑Ny faha 17 ny volana Octobre lasa teo no nanomboka ny fampafantarana ny firotsahany ho fidiana ho ben’ny tanana ny kandida N°1, TSIRENGE Soafiavy Vinà izao natolotry ny vovonana IRMAR ao amin’ny kaominina ambanivohitra Befasy ka tao amin’ny renivohitry ny kaominina no nanombohany izany ka nandritra izany no nilazany fa hiara hiasa amin’ny rehetra izy amin’ny fampandrosoana ny kaominina Befasy .
Hanohy ny ezaka efa natombok’ireo ray aman-dreny be teo aloha no atao hoy izy zanky Befasy ny tenako hoy izy ka tsarao amin’ireo zava-bitako ,telo moa ny vina ho an’ity kandida ity dia ny fampiroboroboana ny fampianarana satria tsy afaka mandroso raha tsy mianatra hoy izy eo koa ny ny fijerena ny fahasalamana satria sarotra ny hisian’ny fampandrosoana raha farofy ny vatana ary indrindra ny fametrahana ny fandriam-pahalemana maharitra izay efa misy ny fiaraha miasa amin’ny mpitandron’ny filaminana ka tsy hiandry azy lany vao hiasa hoy izy fa efa nias aizy ary asa koa no hatao ao anatin’ny fampielezan-kevitra mialohan’ny fotoana na pré-campagne izay nosantarina tamin’ny fanomezana finday ho an’ireo mpitarika ny jado ao anatin’ireo fokotany 17 ao anatin’ny kaominina Befasy ka ao ireo fokotany homena dablio ireo sekoly , ao koa ireo omena tafon-tsekoly ary ny fanokafana sekoly amin’ireo fokotany mbola tsy manana sekoly izay hiarahany miasa amin’ny tompon’andraikitry ny fampianarana
👉 Asa izay miteraka fampandrosoana no atao hoy izy .
Nangonon’i RA PA
