𝗠𝗮𝗻𝗱𝗿𝗶𝘁𝘀𝗮𝗿𝗮 – 𝗠𝗮𝗻𝗮𝗺𝗮𝗳𝘆 𝗻𝘆 𝗳𝗮𝗺𝗽𝗶𝗿𝗼𝗯𝗼𝗿𝗼𝗯𝗼𝗮𝗻𝗮 𝗻𝘆 𝗳𝗶𝗻𝗼𝗮𝗻𝗮 𝗻𝘆 𝗳𝗶𝗸𝗮𝗺𝗯𝗮𝗻𝗮𝗻`𝗻𝘆 𝗠𝗽𝗶𝗻𝗼 𝗦𝗶𝗹𝗮𝗺𝗼

✦ Manana ny sata ara-panjakana mifehy azy ny 𝑭𝒊𝒌𝒂𝒎𝒃𝒂𝒏𝒂𝒏`𝒏𝒚 𝑴𝒑𝒊𝒏𝒐 𝑺𝒊𝒍𝒂𝒎𝒐 eto Mandritsara, izy ireo izay mivondrona amin`ny foto-kevitra ijoroany indrindra eo amin`ny fampiroboroboana ny finoana Silamo. Eo koa ny fizahana vahaolana eo amin`ny samy mpino. Tsy manilika n`iza n`iza ny fikambanana fa misokatra ho an`ny rehetra izay vonona hanaraka fitsipika mifehy misy ao anatiny.

Mariky ny firaisankina ao anatin`ny fikambanana dia nanatontosa fifidianana Amir na filoha mitantana fikambanana ity androany zoma 19 jolay. I Aly no lany hitantana ny fikambanan`ny Mpino Silamo eto Mandritsara nandritra latsa-bato natao tao an-tranompokonolona Madritsara Vaovao.

Roa no nirotsan-kofidiana tamin`izany, 56 ny mpino tonga nandrotsa-bato. Nilamina ny fizotran`ny fifidianana izay natrehan`ny mambra avy amin`ny OMC, nahitana lehiben`ny fampanoavana, solontenan`ny lehiben`ny distrika ary ny solontenan`ny olom-boafidy.