𝐅𝐌𝐀𝐀𝐓𝐌 𝐌𝐀𝐇𝐀𝐉𝐀𝐍𝐆𝐀 – 𝐓𝐬𝐲 𝐡𝐨 𝐬𝐚𝐡𝐢𝐫𝐚𝐧𝐚 𝐧𝐲 𝐟𝐢𝐤𝐚𝐦𝐛𝐚𝐧𝐚𝐧𝐚 𝐚𝐦𝐢𝐧`𝐧𝐲 𝐟𝐚𝐦𝐨𝐥𝐚𝐯𝐨𝐥𝐚𝐧𝐚 𝐧𝐲 𝐬𝐚𝐦𝐲 𝐦𝐩𝐢𝐚𝐧𝐚𝐭𝐫𝐚 𝐡𝐚𝐧𝐚𝐭𝐫𝐚𝐭𝐫𝐚 𝐧𝐲 𝐭𝐚𝐧𝐣𝐨𝐧𝐚

✦ Iankinan`ny fahombiazana amin`ny fanohizana fianarana amin`ny sehatra ambony toy ny anjery manontolo ny fiombonan`ny mpianatra amin`ny alalan`ny fikambanana iray. Isany malaza amin`ny firaisankina amin`ny samy mpianatra izay ny 𝑭𝑴𝑨𝑨𝑻𝑴 (𝑭𝒊𝒌𝒂𝒎𝒃𝒂𝒏𝒂𝒏`𝒏𝒚 𝑴𝒑𝒊𝒂𝒏𝒂𝒕𝒓𝒂 𝑨𝒎𝒃𝒂𝒓𝒂𝒕𝒐𝒏𝒈𝒂 𝑨𝒎𝒃𝒐𝒏𝒚 𝑻𝒆𝒓𝒂𝒌`𝒊 𝑴𝒂𝒏𝒅𝒓𝒊𝒕𝒔𝒂𝒓𝒂) izay nijoro efa 20 taona mahery. Noho ny fifankatiavana misy amin`ny fikambanana ity dia tonga nanolotra fampitaovana mamaly filan`ny mpianatra amin`ny fiatrehana fianarana ho an`ny mpianatra zanaka Mandritsara mandranto fianarana ao amin`ny Oniversiten`i Mahajanga i Dr RAKOTONDRAZANDRY Jeannin Nicolas sy vadiny, ny zoma 21 Jona 2024 teo.

✦Tsy ho sahirana ny fikambanana amin`ny famolavolana ny mpianatra hanatratra ny tanjona kendrena satria nisitraka : Ordinateur portable, Imprimante, Papier, Telephone Itel avy tamin`i Dr Jeannin Nicolas, (Enseignant vacataire anivon`ny fakiolten`ny Siansa ao amin`ny Oniversiten`i Mahajanga). Nizara tamin`ireo zanak`Androna koa izy ny ara-kevitra momba ny fametrahana tanjona amin`ny fianarana rantovina.

✦Velompisaorana tanteraka ireo mpianatra satria voavaha ny olan’izy ireo eo amin’ny lafiny ara-pitaovana ka ho fahombiazana no ho azo.

Tamparanana nirary soa sy nitsodrano ireo mpianatra izy mivady mba ho tafita amin’ny tanjona iriny avy.