✦Olon-dratsy fito lahy no nanafika tokantrano iray tao Mahamamo Antsirombato kaominina Antsoha ny alin`ny sabotsy 10 aogositra 2024 tokony tamin`ny 11 ora. Niditra ankeriny ireo olon-dratsy ka nitaky volabe, tsy misy vola angatahina izay anefa ilay tompontrano ka ny omby tao ampahitra no nentin`ny jiolahy ireto.
Naratra teo amin`ny tava ilay rangahy voaroba noho ny herisetra nanjo azy.
•Nandeha ny fanomezam-baovao tamin`ny fiarahamonina ka tratra tao Ambohimandroso Mandritsara renivohitra ny iray tamin`ireo tompon`antoka tamin`ny asa ratsy ity. Efa ampelatanan`ny mpitandro filaminana lehilahy iray ity rehefa azon`ny fokonolona. Olona iray hafa no efa voatazona amin`ny kaomisaria Mandritsara raha ny loharanom-baovao voaray.
Tsy ahiana ny ain`ilay naratra voaroba, efa manaraka fitsaboana ao amin`ny Hopitaly Vaovao Mahafaly rahateo izy.
Nangonin’i Claudio
