Ary fantatsika fa ny zavatra rehetra dia miara-miasa…
Tanteraka tokoa izany tenin’ny soratra masina izany satria dia ho avy handalo eto amintsika ny Dr Rodney Howard-Browne mpitarika ny mpamorona ny fiangonana « Ministère de Réveil International » Botswana, Lesotho, Afrique du sud, Zambie, Cameroun, Togo ary Madagasikara no firenena hotsidihiny amin’ilay antsoina hoe Africa Tour 2024.
Araky ny resadresaka nataony dia hitondra fankaherezana ho an’ny vahoaka Malagasy no nahatongavany amin’ny alalan’ny vaovao mahafaly sy ny fifohazam-panahy entiny hampandroso ny firenena.
Betsaka amin’ireo firenena voazanaka no mbola voagejan’ny hery mpanjanaka. Koa dia manainga ny Malagasy izy handray an-tanana ho aviny.
Raha tsy hiresaka hafa tsy Ghana izay tsy mifehy hafa tsy ny 10 isan-jatony ny seranam-piaramanidina ao aminy.
Toa izany koa Siri Lanka izay tsy mahafehy ny fari-dranomasiny fa manankina izany amin’i Chine.
Tokony handray an-tànana ny hoaviny ny vahoaka Malagasy hoy izy manohy ny teniny ary harena lehibe ny vahoaka sy ny tany ao aminy.
Hisy ny fihaonany amin’ny tompon-andraiki-panjakana araka ny filazany.
In-telo miantoana ny fitoriana ny filazan-tsara ataony.Anio sabotsy 13 aprily ny maraina amin’ny 9 ora dia fotoana manokana ho an’ny mpandraharaha sy ny hai-tarika. Ny tolak’andro kosa dia misokatra ho an’ny kirstianina rehetra indrindra fa ny mpanompon’Andriamanitra sy ireo eo anaivon’ny asa fanompoana.
Ny alahady 14 aprily amin’ny 2 ora tolak’andro indray dia misokatra ho an’ny kristianina rehetra. Ireo rehetra ireo dia samy ho tanterahina ao amin’ny Lapan’ny Kolontsaina sy Fanatanjahantena ao Mahamasina.
Marihina fa maimamipoana avokoa ny fidirana saingy mila maka tapakila CFB Tsiazotafo, Radio Kristianina Ankorahotra, Shop Shekinah Behoririka, ary Super Msic Analakely.
Firenena faha 94 notsidihin’ny Dr Rodney Howard-Browne i Madagasikara koa dia manainga antsika rehetra.
