Nahasarika olona maro ny Foara Be andiany voalohany eto Ambohimalaza… indrindra fa ireo tantsaha sy mpamokatra avy amin’ny faritra samihafa.
Nampiavaka ity hetsika ity ny fisian’ireo tranoheva fampirantiana ny varotra, izay ahafahan’ireo mpandray anjara mampahafantatra sy mivarotra mivantana ny vokatra avy aminy. Ahitana ny vokatry ny fambolena, ny fiompiana, ary ireo vokatra voahodina avy amin’ny sehatra samihafa.
Mbola maro ihany koa ireo hetsika ara-kolontsaina sy ara-toekarena manamarika ny Foara, isan’izany ny fampisehoana ara-javakanto, ny famelabelaran-kevitra, ary ny tombola lehibe izay mety hahazoana moto sy loka maro isan-karazany.
Toy izao ny tafatafa tamin’ireo sendran’ny Mpanao gazetinay, eto anivon’ny feon’ny demokrasia
Marihina fa nanomboka ny 14 Mey 2026 ary hitohy hatramin’ny 17 Mey izao ity hetsika lehibe fampisongadinana ny tantsaha sy ny vokatra eto amin’ny Kaominina Ambohimalaza Miray ity
Nangonin ‘Lay Mahitsy
