Manatanteraka fitsidihana any aminโny faritra avaratrโi Madagasikara ny Tale Jeneraly ny Polisim-pirenena, Commissaire Divisionnaire de Police TSARAMONINA RAVONY Jean Victor. Tafiditra ao anatinโny fandaharam-potoana ny fijanonany ao Ambanja, izay natao indrindra hampandrosoana ny fifandraisana sy fokonolona eo anivonโny sehatry ny filaminam-bahoaka.
Nandritra ny fihaonana dia nanazava ny Tale Jeneraly fa tanjona fototra ny fampitana sy fampiharana eny ifotony ny vina napetraky ny Ministera. Anisanโny teboka naroso :
Fanamafisana ny foto-kevitra hoe โPolisy mamaha olana, fa tsy fitaovana mampitahotraโ.
Famerenana ny fitokisanโny vahoaka aminโny Polisim-pirenena sy ny fanjakana.
Fanitsiana sy fanarenana ireo lesoka aminโny fomba fiasa, ary fanatsarana ireo efa mandeha tsara.
Fananganana endrika Polisy manakaiky vahoaka, mendrika, manana toetra sy fahaiza-manao mirindra.
Nodinihina manokana ihany koa ny lafiny momba ny Police de la Route, indrindra ny rafitra vaovao sy ny torolalana entina manatsara ny filaminana sy ny fandehananโny fifamoivoizana.
Nandray anjara sy nanotrona ny fihaonana ny solontenanโny Zandarimaria Nasionaly, ho mariky ny fiaraha-miasa sy firaisankina eo aminโireo andrim-panjakana miaro ny fandriam-pahalemana.




