Manoloana ny zava-nisy sy ny fangatahan’ny filoha lefitry ny filankevitra kaominaly kaominina Ambonivohitry Morondava ny hijerena ireo mpikambana ny biraon’ny filankevitra izay tsy mavita ny asany dia nangataka fivoriana tsy aram-potoana ireo mpanolontsain’ny kaominina izay niatomboka androany ka maromaro ireo fandaharam-potoana nodinihina isan’izany ny fanavaozana ny birao ka valo tamin’ireo mpanolontsaina no tonga niatrika izany ka ny roa tamin’ireo dia niatrika tamin’ny fampiasana ny teknolojia.
Tapaka tamin’izany fa nosoloina ny filoha lefitra sy ny mpampiakan-teny roa nohon’ny antony izay tsy fahavitan’izy ireo ny andraikiny amin’ny maha birao maharitra ao amin’ny filankevitra kaominaly azy ireo satria ao ireo tsy afaka ny hamita ny andrainy intsony noho izy efa miasa sy monina any Antananarivo ao koa ireo efa nanala-tena ka mba hitsinjovana sy hampandehanana ny asan’ny filankevitra ary hanafaingana ny asa eo anivon’ny kaominina manomboka izao zany dia i Mamisoa Kevin no filoha lefitry ny filankevitra kaominaly kaominina Ambonivohitry Morondava ary TSIEFOMANA Rodrigue sy RANDRIA Rangomana no mpampiakan-teny, nakatoavin’ny mpanolontsaina androany ihany koa ny fangatahan’ny ben’ny tanana amin’ny fanavaozana ny csb eto Morondava .
Ny tanjon’ny mpanolontsaina dia ny fanajana ny rafitra misy araky ny lalàna ary samy nilaza ireo rehetra tonga nivory fa tsy misy ny olana eo amin’ny samy olom-boafidy fa ny tranga misy no entina ampiarahana amin’ny lalàna.
RA PA
