Nanomboka ny Alatsinainy 17 Jona teo ary tsy hifarana raha tsy ny Sabotsy 22 Jona 2024 ho avy izao ny « TSENABEN’NY TANTSAHA AGRIFORAINE » ao amin’ny Kaominina Tanambe, Distrika Amparafaravola. Ny ACST na Association de Club Sportive Tanambe moa no mikarakara ity tsenabe ity ary tonga nanokatra izany tamin’ ny fomba ofisialy ny Governoran’ny Faritra Alaotra-Mangoro Dr Guy RAMAROSANDRATANA ny Alakamisy 20 Jona 2024 teo nontronon’ireo manampahefana isa-tsokajiny avy sy olo-manakaja maro sivily sy miaramila.
Saika hita ao amin’Ity tsenabe andiany voalohany ity avokoa ireo fitaovana ilain’ny tantsaha sy etana maro isan-karazany, kilalao samy hafa ary ireo trano heva maneho ny maha izy azy sy ireo vokatra mampiavaka ny Faritra Alaotra Mangoro.
Nangonin’i Lova Janà
