Nanatanteraka asa fanadiovana teny Ambohintsoa, ao anatin’ny Boriboritany faha2 ny RFD Fanavotanana, niaraka tamin’ireo ekipan’ny CMH ao amin’ny Kaominina Ambonivohitra Antananarivo androany.
Fantatra nandritra ity fanadiovana ity fa efa fanaon’ny RF2 Fanavotana izao hetsika izao ka isaky ny Sabotsy faharoan’ny volana no hanatanterahana izany, fa kosa niavaka kely ny anio, nohon’ilay hetsika fanentanana antsoina hoe » fanadiovana 100 andro » tanterahin’ny CMH Commune Urbaine Antananarivo.
Tiana ny manamarika fa ity farany no niantoka ny fampitaovana nampiasana nandritra ity asa fanadiovana ity, izay nanamarihan’ny Mpitantana fa sady fanentanana ity no fanadiovana, fa aoriana kosa dia hiroso amin’ny fanasaziana avy hatrany ny Kaominiana hoan’ireo olona minia mikipy amin’ny fanaovana maloto sy fanariana ny fako avy nampiasainy eny rehetra eny.
Nangonin ‘Lay Mahintsy
