Nitrangana hai-trano tao amin’ny fokotany Andakabe kaominina Ambonivohitry Morondava androany tokony tamin’ny 12 ora sasany atoandro ka trano iray no may ravan’ny afo tsy nisy entana avotra na dia iray aza nisy vola dimy hetsy sy iraitapitrisa koa may tao, tsy tao an-trano moa ny tompon_trano fa ny sasany mivarotra ao bazar be ny sasany nitety tsena any ambanivohitra, araky ny vaovao azo dia fipoahan’ny batterie izay mifahana amin’ny panneau solaire no natonga ny afo, tsy nisy entana Avotra fa nihidy ny trano nanahirana koa ny famonoana ny afo satria tery ny lalana hidiran’ny mpamonjy voina, ny ranon’ny Jirama koa tapaka ka rava tsy nisy azo raisina ilay trano sy ny entana tao amin’ny, fa nohon’ny fiaraha-mientan’ny rehetra dia voafehy tsy nitatra ny afo.
Manao antso avo amin’ny tompon’andraikitry Jirama moa ireo mponina ny tsy hanapahana ny rano satria ny andro mafana eo koa ny loza misy toy izao.
Miisa 9 mianaka moa ireo olona traboina ary vehivavy bevohoka efa valo volana ny iray koa manao antso avo amin’ny mpitondra fanjakana ireo mpiara monina mba hijerena azy ireo satria trano vao vita tsy ampy taona iray io may io, kisoa 6 sisa Avotra satria voavonjy alohan’ny hitaran’ny afo teo amin’ilay valan-kisoa
Nangonin’i Ra pa – Menabe
