CR Antetezambaro,Distrikan’ny Toamasina Faharoa:
Nitokanana ny sabotsy 24 febroary 2024 lasa teo,ny biraom-pokotany vaovao ao Ambonivato.
Hanamora ny fifandraisana eo amin’ny Lehiben’ny Fokotany sy ny Vahoaka ,sady hanamora ny fikarakarana atontan-taratasy ny fisian’izany.
» Tsy hiraviravy tanana amin’ny fanohizana ny asa fampandrosoana efa natao izahay ary paik’ady mahomby anatanterahana izany,ny fanamafisana ny fiaraha-miasa amin’ny Mpiara-miombon’antoka sy ny manampahefana rehetra » Hoy ny Ben’ny Tanana Antetezambaro,Andriamihaja Jeannot Désiré.
Nanome voninahitra ny fotoana ny Solombavam-bahoakan’ny Toamasina Faharoa ROILAHY Jonah,ny Filohan’ny Fikambanan’ny Ben’ny Tanana Andrianary Thierry Didier,ary ny Lehibe’ny Distrikan’ny Toamasina faharoa.
Nangonin’i Claudia Tsitolomy
