Mpanendaka eo amin’ny lalana Plaque Relax Ankirihiry: Roa lavon’ny balan’ny Pôlisy,iray azo sambo-belona.
Androany 21 febroary 2024 tamin’ny efatra ora maraina, teo ampanendahana olona iray takaikina stand iray teo ankirihiry ireo jiolahy miisa efatra nitondra antsy be,no nandalo ny UIR izay teo ampanaovana fisafoana. Raikitra ny fanenjehana ka ny roa nandositra nihazo lalana mandeha @ cité haras ary ny roa nihazo lalana ampita mitsofoka amin’ny mosquée iny. Ny roa nitsofoka tany am Cité haras io voatifitra io,ary ny iray tamin’ireo nitsofoka tamin’ny lalana am Mosquée io azo sambo-belona io. Raha tafatsoaka kosa ny iray hafa. Efa nalefa ao amin’ny tranom-paty Hopital be ilay roa voatifitra.
Tsy hitsitsy amin’izay mpanao asa ratsy mampihorohoro vahoaka ny Polisy,ary mitohy hatrany ny asa fanao isan’andro amin’ny fametrahana fandriam-pahalemana ao anatin’ny 100 izay efa maro ny vokatra azo hatreto hoy ny Talem-paritry ny filaminam-bahoaka Atsinanana,Commissaire Rakotovao Jean Christian.
Nangonin’i Claudia Tsitolomy
