Mandritsara | Niakatra ny reniranon’i Mangarahara

📌 Mandritsara – Niakatra ny reniranon’i Mangarahara vokatry ny orambe mikija Trano maromaro amin’ny faritra iva ao Mandritsara no dibo-drano vokatry ny fiakaran’ny reniranon’i Mangarahara sy ranon’i Maroamboka.

📌 Nikija nanomboka omaly sabotsy 20 janoary tolakandro ny orana ary tsy nitsahatra raha tsy androany alahady, 21 janoary tokony ho tamin’ny 1 ora teo.

📌 Niakatra avokoa ireo renirano misy ao Mandritsara renivohitra ka maro amin’ny mponina monina amin’ny toerana iva no nifindra tsy fidiny vokatra izany. Isany faritra dibo-drano izay ny tao Antsahabe Avaratra, Andohomby, Ambohimandroso ary Maroamboka.

📌 Somary tsy nampoizina ny hisian’ny rotsak’orana nikija nandritra fotoana lava izao ka vitsy ny olona tamin’ny faritra voalaza ireo niomana tamin’ny vatsy (vary, labozia, fanafody.. ) mety ilaina. Misy fokontany sasany rahateo nitoka-monina tanteraka, ny lakana hiampitana moa tsy misy.

🆔 Nangonin’i Claudio