Tena Mila vonjy ireo Tantsaha ao amin’ny distrika Anjozorobe sy Ankazobe.
Mahakasika ilay FANAFIHAN-DAHALO tao Tranokambana, Kaominina Fihaonana Distrika Ankazobe omaly alina.
Niditra ny tanàna ny dahalo teo amin’ny 8 Ora alina teo ary nanampina ny kiondalana rehetra izy ireo sady nanapoaka basy tsy akiato. Niezaka niditra tao an-tokatranon’i madame Monique kosa ireto sasany. Sarotra nidirana anefa tao satria saika feno « grillage » ny lavarangana sy ambanin’ny lavarangana rehetra. Ora iray taty aoriana vao tafiditra tao andavarangana ny sasany tamin’ireo dahalo. Tsy nahavita namoha ny varavarakely indray izy ireo ka avy hatrany dia nanapa-kevitra nandoro ny trano ary niandry ireo olona tao hivoka mba hakany izay olona mivoaka ho hataony takalon’aina . Tsy nivoaka anefa ireo olona tao an-trano ka lasa nitsoaka ireo dahalo teo amin’ny 9 Ora sy 40 minitra alina teo ho eo.
Nandritra izany dia sepotra tao anaty trano noho ny firehetan’ny trano i madame Monique izay tompotrano vadin’i Mr Jean Christophe ka nindaosin’ny fahafatesana ny Alin’iny ihany, avotra soamantsara kosa ny olona hafa.
Ireo fokonolona manodidina moa saika hifanampy hifanavotra ihany fa tifitra tsy akiato no havalin’ireo jiolahy izay mivoaka ny trano.
Mampalahelo io trangan-javatra ao Ankazobe sy Anjozorobe io mahakasika ny resaka kidnapping ka mila jerena akaiky mihitsy. Mila manao fanadihadiana lalina, arahana fidinana ifotony ho fanafoanana an’io. Feno Kalachnikov sy mas 36 ao, tsy ho resin’ny fokonolona intsony fa mila anareo manana basy hanafoanana an’io.
Jereo akaiky ilay tantsaha fa tena mijaly, ampio ny éléments ao Ankazobe ao fa dahalo aman-jatony no manana kalack. Nisy fotoana aza moa dia niverim-potsiny ireto Zandary fa 8 isa fotsiny izy ireo no nifanehitra tamin’ny dahalo marobe milanja kalachnikov sy mas36.
Nampitan’i Rajerison Antoine
