𝗘𝗡𝗧𝗜𝗡𝗔 𝗔𝗣𝗔𝗥𝗜𝗧𝗔𝗞𝗔 𝗠𝗔𝗡𝗘𝗥𝗔𝗡𝗔 𝗡𝗬 𝗡𝗢𝗦𝗬 𝗡𝗬 𝗩𝗢𝗞𝗔𝗧𝗥𝗔 𝗔𝗩𝗬 𝗔𝗠𝗜𝗡’𝗡𝗬 𝗙𝗔𝗥𝗜𝗧𝗥𝗔 𝗔𝗡𝗧𝗦𝗜𝗠𝗢 𝗔𝗧𝗦𝗜𝗡𝗔𝗡𝗔𝗡𝗔 𝗦𝗬 𝗙𝗜𝗧𝗢𝗩𝗜𝗡𝗔𝗚𝗡𝗬 𝗔𝗠𝗜𝗡’𝗡𝗬 𝗔𝗟𝗔𝗟𝗔𝗡’𝗡𝗬 𝗣𝗔𝗡𝗚𝗔𝗟𝗔𝗡𝗔 𝗧𝗢𝗨𝗥

 Ho fampiroboroboana ny vokatra avy amin’ny faritra Atsimo Atsinanana sy Vatovavy fitovinagny dia manantan-teraka ny Pangalana tour izay tarihin’ny fandaharan’asa DEFIS iarahany amin’ny avy eo anivon’ny antenimieran’ny varotra sy Indositria Antsimo Atsinanana sy Vatovavy fitovinagny eo ambany fiainan’ny ministeran’ny varotra sy fanjifana amin’ny alalan’ireo fitaleovam-paritry ny varotra sy ny fanjifana izay vatsiany FIDA, ka faritra efatra no tetezina amin’izao andihany voalohany izao dia ny faritra Amorin’i Mania sy Vakinakaratra, Analamanga ary Menabe. Nanomboka tamin’ny faha 8 décembre moa ny hetsika tao Ambositra ary androany no nosokafan’ny Préfet an’i Morondava tamin’ny fomba ofisialy ny an’ny faritra Menabe izay isany nahazo tombony manokana satria distrika roa no handalovan’ity hetsika Pangalana tour ity dia Morondava sy Miandrivazo, izay samy haharitra roa andro avokoa. Isany tanjona lehibe amin’izao Pangalana tour izao moa no fampafantarana ireo vokatra avy amin’iny faritry Antsimo Atsinanana sy Vatovavy fitovinany iny ary ny hanokafana lalam-barotra amin’ireo faritra handalovana hoy Ramatoa Murielle Razafitianamalala filoha lefitry ny federasiona ny antenimieran’ny varotra eto Madagasikara. Tombony ho an’ny sehatry ny seham-pamokarana ato Menabe ny fandalovan’ny Pangalana tour hoy ny filohan’ny antenimieran’ny varotra sy Indositria ato Menabe ka mendrika halaina tahaka , ezahina koa ny fanetsehana ny tranoben’ny Tantsaha izay vondrona iray tsy afa misaraka amin’ny antenimieran’ny varotra sy Indositria hoy hatrany izy Fampiroboromboana ny seham-pamokarana izay fandaharan’asan’ny fanjakana ny tanterahan’ny Défis mba ho fampitomboana ny fidirambolan’ny tantsaha izay ato amin’ny tampan’ ny atsimon’ny Madagasikara Zava-dehibe ho an’ny ministeran’ny varotra sy fanjifana izao hetsika izao satria fanomezan-danja ny vokatra ato anatiny hialana amin’ny fanafarana avy any ivelany sady mandray anjara lehibe amin’ny fahavitan-tena ara-tsakafo hoy ny talemparitry ny varotra sy fanjifana ato Menabe. Isany lalan-tsaina tsara tokony hitarina moa izao hetsika Pangalana tour izao ka hanairana ny federasiona ny varotra sy ny Indositria ary indrindra ny ministera mba hanoizana sy hanitarana izao etsika izao eny fa na dia ireo faritra mifanilam-bodirindrina ihany aza fa tsy hijanona amin’ny resaka tsenabe indray mandeha isan-taona izay tsy mivelatra fa ao amin’ny renivohitry Madagasikara hatrany no hanaovana azy ka voafetra ireo mpandray anjara nohon’ny en-timanana . 
✍️RA PA