Mahajanga β Efa tapa-bolana izao no tsy hita popoka ilay sambo mitondra ny anarana A.W, izay niainga avy ao Mahajanga ho any Anjouan (Komoro) niaraka taminβny mpandeha miisa 30. Na dia efa natao aza ny fikarohana anβhabakabaka sy an-dranomasina, dia mbola mitohy hatrany ny mistery manodidina ny nanjavonany.
Araka ny loharanom-baovao azo taorianβny fivoriana niarahanβireo tomponβandraikitra isan-tsokajiny, dia handefa fiaramanidina roa avy aminβny Tafika Maorisiana rahampitso, ho fanampiana aminβny fikarohana.
Ireo teknisianina sy manampahaizana momba ny fifamoivoizana an-dranomasina dia mamoaka vinavina maromaro:
– mety maty motera teny an-dranomasina, na nogiazanβny jiolahin-dranomasina.
Tsy misy manamafy izany ahiahy anefa hatreto ireo tompon’andraikitra isan-tsokajiny, fa miandry valin’ny fikarohana hentitra sy fanamafisana avy aminβny manam-pahefana nyrehetra.
Andaniny, miandry am-pitoniana anaty tebiteby ny fianakavianβireo olona ao anaty sambo, ary manantena hatrany ny hahita na haheno vaovao mivaingana mahakasika ity raharaha ity.
Mitohy hatrany ny fikarohana, ary antenaina hisy fanazavana mazava ao anatinβny ora na andro vitsy ho avy.
‘Lay Mahitsy
