Nahavita adidy amin`ny fanamboaran-dalana ahafahana mamoaka vokatra mankao Pont Sofia ny vahoaka ao Ambodibonara kaominina Pont Sofia distrikan`i Mandritsara. Fotoana maro no nifandrimbonan`izy ireo tamin`izany, afaka mivezivezy ny sarety, ny fiara mitatitra vokatra amin`izao.
Tsapan`ny mpitondra eo anivon`ny kaominina ny ezaka lehibe vita izay ka nomen`ny ben`ny tanana, Jean-Yves FranΓ§ois, fanomezana manokana ny vahoaka ao Ambodibonara. Fahitalavitra 42″, kit Canal+, Vato aratra lehibe ary takelaka manome herinaratra avy amin`ny masoandro no nomena azy ireo, natoka hialana voly izy ity satria mangetaheta izany ny mponina. Nidina ifotony talin`ny tanana ity ny ben`ny tanana omaly alarobia 4 jona nanolotra fampitaovana ireto.
Taloha, omby no atolotra fokonolona, rehefa hanao asa tanamaro, somary niova amin`izay fomba izay ny ben`ny tanana ka mankasitraka ny ezaka goavana toy izao.
Nilaza ireo mponina amin`ny tanana ity fa havitrika hatrany amin`ny fandraisana anjara amin`ny asa fampandrosoana.
Nangonin`Uni Raz
