Notontosaina ny Sabotsy 10 Mai 2025 lasa teo ny fifaninana ara-panatanjahan-tena, izay karaikarain’ny OJM, antsoina hoe ยซย Inter-media; iray eny ankianjaย ยป, izay natao tetsy amin’ny Kianja Barea.
Fotoana iray lehibe fanao isan-taona, entina hanehoana ny firaisan-kinan’ny Mpanao Gazety rehetra sy ireo misehatra amin’ny asa manodidina an’ity Asa manana ny hasiny ity.
Fifaninana ho tompon-daka amin’ny taranja Basket Ball, Foot Ball, Tsipy kanety be no nentina nanamarihana izany, ka orin’asa an-gazety amam-polony no nandray anjara tamin’izany.
Niavaka kely ihany koa ity andiany faha5 ity fa ny Mpiasa eo anivon’ny Ministera Mpiahy no nandray anjara mivantana tamin’ny lalao. Izay notarihin’i Ramatoa Minisitra, Dona Mara VOLAMIRANTY.
Tiana ny manamarika, fa iray amin’ireo Mpanohana ofisialy an’ity lalao ity ny Gazetin-tsika eto anivon’ny Feon’ny Demokrasia. Isaorana be vata ireo nanao tongotra miara-milanja sy soroka niara-namindra taminay, nahitana an’i HOBY, avy ao amin’ny HBMOVIE ( Videaste) , JORO avy ao amin’ny GATE NEWS AFRICA (PHOTOGRAPHE), ADDI avy ao amin’i ITV (PHOTOGRAPHE) ary NY AIKO, FDM ( DRONISTE)
i Nyh Gabriel kosa no nampita nivantana tamin’ny alalan’ireo tambazotran-tserasera ampiasain’ny OJM.
Mpanao Gazety miray hina, mifampitanana mankany amin’ny fampandrosoana.
Nangonin ‘Lay Mahitsy
