Toamasina: Tranom-pivarotana miisa 72 ao Bazary kely no may kilan’ny afo ny alin’ny 20 Aprily 2025 tamin’ny 12 ora alina.
Efa manao fanadihadiana mahakasika ny antony nahatonga ny firehetana ny Mpitandro ny Filaminana.
Ny Ben’ny Tananan’ny Toamasina ALAIN Andriafanomezantsoa ,dia tonga tao antoerana ny alina ihany,nanome toromarika ny Mpamonjy voina ka nahafahana namehy ny afo. Hatramin’ny maraina teo,dia maro ireo Tompon’andraikitra avy eo anivon’ny Commune Urbaine de Toamasina,nijery ny fomba ahafahana manarina haingana ny tsena may araka ny toromarika avy amin’ny Ben’ny Tanana.
Goavana ny fahavoazana satria betsaka ny entam-barotra kikan’ny afo,ary miteraka fatiantoka goavana ho an’ny Tompon’ireo fivarotana may izany.
Mankahery an’ireo rehetra niharam-boina.
Nangonin’i Claudia Tsitolomy
