Manoloana ny fitokonana’ireo mpikirakira hazo ao Ambatondrazaka izay lazaina fa fitakiana ny famoahana ny hazon’ireo mpanao fanaka dia mitondra fanitsiana ny Ministera fa hazo notrandrahana antsokosoko tsy nahazoan-dalàna no nogiazana.
Noho izany rehefa natao ny famotorana ka nentina teny amin’ny fitsarana ny raharaha dia naiditra am-ponja vonjy maika ny 3 tamin’ireo izay voaroiroy, ny 3 »sous contrôle judiciaire » ary ny 10 kosa nahazo fahafahana vonjy maika.Ampahafantarina sy ampahatsiahivina hatrany isika olom-pirenena fa misy Lalàna mifehy azy ny fitrandrahana, ny fivarotana ary ny fitaterana hazo manerana an’i Madagasikara izay voarakitra ao anatin’ny didim-panjakana laharana faha 98-782 sy ireo lalàna maro samy hafa. Ka na hazo eny am-potony na hazo efa voakapa na hazo efa voahodina (bois carré, batane, planche) dia voakasik’io lalàna io avoka.Manentana hatrany sy mampahatsiahy antsika vahoaka Malagasy hanaraka ny lalàna manankery ary hitandro hatrany ny tontolo iainana.
: MEDD
