Nirehitra ny toeram-pitrandrahana Vato 芦聽Spectrolyte na pierre de lune聽禄 ao amin’ny Fokontany Antsomangana, Kaominina Ambanivohitra Bemaitso, Distrikan’Andilamena ny Alatsinainy 23 Desambra 2024 tokony ho tamin’ny 12 Ora atoandro.
Nidina tany antoerana avy hatrany ny mpikambana ao amin’ny OMC Distrikan’ Andilamena izay notarihan’ny lehiben’ny Distrika sy ny Delege misahana ny mponina nijery maso ny zava-misy sy nanao ny fandiadiana.
Fantatra nandritra izany fa niainga avy any Avaratra Antsinana tao amin’ny tranokelin’olona iray avy amin’ny afon- dakozia ary notsofin’ny rivotra narahina tadiho nianatsimo ny afo ka mora nahazo aina ary nandoro ny 80 % ireo trano vita amin’ny zozoro sy bozaka nitoeran’ireo mpiasa mpangady vato sy mpivarotra mitondra entana amidy any antoerana.
Maro noho izany ireo entana sy fitaovana lasa lavenona ary Olona roa tavela tao anaty lavaka fitrandrahana vato no sempotry ny setroka ka namoy ny ainy, fa tsy nisy Kosa ny naratra
Niala tamin’io toeram- pitrandrahana io araka izany ireo vahoaka avy amin’ny lafivalon’ny Nosy noho ireo fahapotehan’ny entana sy ny trano ary nihazo niakahra namonjy ny Renivohitra Andilamena ny ankamaroany.
Nanome toro marika moa ny mpitandro ny filaminana mba hijerena sao hisy ny fioharam- pefy na fanararaotana aton’ny sasany indrindra amin’izao ankatoky ny fety izao ary nomena toro marika ihany koa ireo izay tsy tratran’ny afo ka mbola manohy ny asa mba ho mailo ary hanisy elanelana ny trano mba ho mora amin’ny manaraka ny mifehy ny loza raha sanatria mbola hisy.
饾懗饾拹饾挆饾拏 饾懕饾拏饾拸饾拏虁
