𝐓𝐎𝐀𝐌𝐀𝐒𝐈𝐍𝐀: 𝐓𝐬𝐲 𝐧𝐚𝐧𝐚𝐝𝐢𝐧𝐨 𝐚𝐧’𝐢𝐫𝐞𝐨 𝐨𝐥𝐨𝐧𝐚 𝐦𝐚𝐫𝐞𝐟𝐨 𝐧𝐲 𝐌𝐢𝐧𝐢𝐬𝐢𝐭𝐫𝐲 𝐧𝐲 𝐌𝐩𝐨𝐧𝐢𝐧𝐚 𝐬𝐲 𝐧𝐲 𝐅𝐢𝐫𝐚𝐢𝐬𝐚𝐧-𝐤𝐢𝐧𝐚 𝐑𝐭𝐨𝐚 𝐀𝐮𝐫𝐞́𝐥𝐢𝐞 𝐑𝐚𝐳𝐚𝐟𝐢𝐧𝐣𝐚𝐭𝐨,𝐚𝐦𝐢𝐧’𝐢𝐳𝐚𝐨 𝐟𝐚𝐧𝐝𝐚𝐥𝐨𝐯𝐚𝐧𝐲 𝐞𝐭𝐨 𝐓𝐨𝐚𝐦𝐚𝐬𝐢𝐧𝐚 𝐢𝐳𝐚𝐨.

✴Tokatrano marefo miisa 410 no nahazo tohana ara-tsakafo androany, ka tao amin’ny CJST no nanolorana izany. Tsy hadino fa nahazo ny anjarany ihany koa ireo olona sahirana izay mipetraka any amin’ny cité des indigénes ao Ambohijafy.

✴Izao hetsika izao dia tafiditra amin’ny fijerena ny lafiny maha olona,fa tsy hadinon’ny Ramatoa Minisitra ny nanentana ny tsirairay mba hanana toe-tsaina tia fivoarana, mba ahafahana manatsara ny fari-pianana.
✴Ankatok’izao fidiran’ny mpianatra izao dia hiarahana mamaha ny olan’ireo olona tena sahirana eny anivon’ny Fokotany amin’ny fampidirana ny zanany an-tsekoly,ka izany dia iarahana miasa amin’ireo Tompon’andraikitry ny fanabeazam-pirenena.

✴ Rtoa Irmah Naharimamy , Filoha Lefitry ny Antenimieram-pirenena aty amin’ny Faritanin’ny Toamasina,dia nanolotra fisaorana ho an’ny Ministeran’ny mponina amin’ny ezaka ataon’izy ireo amin’ny fikarakarana ny olona sahirana. Nankasitrahany ihany koa ny Fitondram-panjàkana amin’ny fanomezana ny tosika Tsimbina satria maro ny vahoaka sahirana nisitraka izany ary tsy adino I Toamasina.
Nangonin’i Claudia