FANAMARIHANA NY « FESTIVAL DE L’ECOLOGIE 2024  »

49 0

Notanterahina taty amin’ny Faritra Boeny, teto amin’nyRenivohitry ny Faritra teto Majanga ny faha 03 ka hatramin’ny faha 05 volana Aogositra taona 2024 lasa teo ny « Festival de l’Ecologie 2024 ». Hetsika iray nokarakarain’ny Fikambanam-behivavy FARM ( Femmes en Action Rural de Madagascar), niarahan’izy ireo tamin’ny Fikambanan’ny Tanora RJDD

Tamin’ny alalan’ity hetsika ity no nanamafisan’izy ireo ny hai-taky amin’ny fiarovana ny tontolo iainana, ny fanentanana amin’ny fifehezana ny fako plastique, ary indrindra ny hijerena manokana ireo vokatra simika izay tena mandripaka ny zava-manan’aina ao anaty ny tontolo iainana.

Hetsika maro loko no nentina nanamarihana izany andro izany , niantomboka tamin’ny filaharam-be namakivakay ny tanana, narahina teny fanentanana samy hafa, tsy latsa-danja ihany koa ny hira izay niompana indrindra ny amin’ny fiarovana ny tontolo iainana.

Tonga nitarika ity « FESTIVAL DE L’ECOLOGIE 2024  » Ramatoa Filoha Nasionaly ny Fikambanana Farm, Ramatoa RAVONIARISOA Hantanirina Lilia, izay nanatitratitra tamin’ny lahateny nataony fa tsy maintsy harovan-tsika ny tontolo iainana mba ho lova sarobidy hapetraka hoan’ny taranaka mifandimby.

 

FIOFANANA SY FIANARANA HAI-RAHA

Fa ankoatry ny hetsika nanamarihana ny « FESTIVAL DE L’ECOLOGIE 2024  » dia niatrika fofaana maro lafy ihany koa ireto Fikambanam-behivavy FARM ireto, anisan’izany ny fiofanana manokana manoloana ny ady hatao amin’ny herisetra, na mivantana na ankolaka.

Tao ihany koa ny fiofanana mahakasika ny fanaovana ranon-tsavony, izay tena ilaina amin’ny andavanan’androny vehivavy tokoa, Mpampiofa niofana manokana mahakaska ny fanaovana Savony  no nitondra ny fiofanana.

Teo ihany koa ny fiofanana mahakasika ny fahaiza-mitarika, izay nampanaovin’Ramatoa Filoha.

Tiana ny manamarika, fa saika nahatonga solon-tena avokoa ny faritra rehetra nandritr’izao  « FESTIVAL DE L’ECOLOGIE 2024  » izao.

Fantatra fa any Vakinankaratra indray no hankalazaina ity hetsika ity amin’ny taona ho avy

Nangonin’Lay Mahintsy

Related Post

🔺 𝐍𝐈𝐓𝐎𝐍𝐃𝐑𝐀 𝐍𝐘 𝐅𝐎𝐌𝐁𝐀 𝐅𝐈𝐉𝐄𝐑𝐈𝐍𝐘 𝐀𝐌𝐈𝐍’𝐈𝐙𝐀𝐎 𝐅𝐈𝐇𝐀𝐓𝐑𝐄𝐇𝐀𝐍𝐀 𝐍𝐘 𝐅𝐈𝐅𝐈𝐃𝐈𝐀𝐍𝐀𝐍𝐀 𝐈𝐙𝐀𝐎 𝐍𝐘 𝐅𝐈𝐑𝐀𝐈𝐒𝐀𝐌𝐎𝐍𝐈𝐌-𝐏𝐈𝐑𝐄𝐍𝐄𝐍𝐀 𝐎𝐍𝐆 𝐂𝐎𝐃𝐄 𝐌𝐄𝐍𝐀𝐁𝐄🔺

Posted by - avril 10, 2024 0
👉𝑵𝒊𝒍𝒂𝒛𝒂 𝒓𝒂𝒎𝒂𝒕𝒐𝒂 𝑵𝒂𝒍𝒊𝒎𝒂𝒏𝒊𝒕𝒓𝒂 𝑹𝒂𝒗𝒐𝒔𝒐𝒏 𝒕𝒂𝒍𝒆𝒏’𝒏𝒚 𝑶𝑵𝑮 𝑪𝒐𝒅𝒆 𝑴𝒆𝒏𝒂𝒃𝒆 𝒇𝒂 𝒏𝒊𝒉𝒆𝒏𝒂 𝒊𝒓𝒆𝒐 𝒎𝒑𝒊𝒍𝒂𝒕𝒔𝒂𝒌𝒚 𝒏𝒚 𝒎𝒑𝒊𝒇𝒊𝒅𝒚 𝒔𝒂𝒕𝒓𝒊𝒂 𝒆𝒇𝒂 𝒕𝒔𝒚 𝒎𝒂𝒕𝒐𝒌𝒚 𝒏𝒚 𝒇𝒊𝒌𝒂𝒓𝒂𝒌𝒂𝒓𝒂𝒏𝒂…