Ny sabotsy 20 jolay no notanterahina tao amin’ny fokotany Madiokely izay efi-tany mampisaraka ny distrikan’i Tsiroanomandidy sy Miandrivazo ary Mandoto ny fampivondronan-kery teo amin’ny zandary miasa amin’ny distrika telo mpifanilambodirindrina izay notarihin’ny komandin’ny vondrotobim-paritra isany,
Miandrivazo,Tsiroanomandidy Ary ny lefitra voalohany ny komandin’ny vondrotobim-paritra Mandoto.
Vahoaka an’arivony mahery no tonga niaraka tamin’ireo ben’ny tanànan’ny kaominina ambanivohitra Belobaka sy Anjomaramartine ary Dabolava.
Nisy ny fifampizarana traikefa mahomby tamin’ireo zandary miasa ao anatin’ny distrika telo momba ny paik’ady amin’ny tsy fandriampahalemana,Ary tapaka tamin’izany fa hamafisina ny fifanomezan- tanana eo amin’ireo mponina sy zandary ao anatin »ny kaominina mpifanilambodirindrina mba hisorohana ny asan-dahalo.Ho an’ny distrikan’i Miandrivazo dia efa nahitana vokatra noho ny fiaraha-miasa ny mpian-tsehatry ny fandriampahalemana rehetra.Hanaovana tanamaro toy izany koa ao anatin’ny fotoana fohy,araka ny tapaka ny hametrahana fandriampahalemana ao anatin »ny kaominina Anjomaramartine distrikan’i Mandoto,Belobaka sy Bemahatazana samy distrikan’i Tsiroanomandidy.
Ra-Pa Menabe
